كيكه محشوه بالبسكويت ومغلفه بتوفي القهوه

مقادير الكيكه :

واضحه بالصوره
كرتون خليط كيك بالشوكولاته النوع اللي تحبين (انا استخدمت العلالي واضفت عليه ثلث كاس طحين عشان مايتفتت )
5 بسكويت شوكو ساندويتش (واضح بالصوره )
نصف اصبع زبده

الطريقه :

نخلط الكيك حسب التعليمات الموجوده ع الكرتون

نذوب الزبده على النار

نكسر البسكويت كسر كبيره نوعا ما (تقريبا 4 كسر لكل حبه )

نشرب البسكويت بالزبده

نصب نصف خليط الكيك في قالب مدهون ويفضل ان يكون مفتوح من الوسط كما في الصوره

نضع كسر البسكويت المشربه بالزبده فوق خليط الكيك .. بحيث لا تلامس الاطراف وتكون محصوره في الوسط

نصب باقي الخليط على البسكويت

ونخبزها بالفرن حتى تنضج
ثم نخرجها ونغطيها بالقصدير حتى تبرد

التغطيه
راح نغطي الكيكه بتوفي القهوه
وهوعباره عن توفي بطعم القهوه

المقادير :
4 فناجيل سكر
علبة قشطه
3 ملاعق صغيره من القهوه سريعة الذوبان (نسكافيه مثلا ) مذابه في بيالة ماء حار
2 ملعقة قشطه اضافيه

الطريقه :

نذيب السكر على النار حتى يكتسب اللون الذهبي

نضيف علبة القشطه ونحرك بسرعه حتى يتكرمل المزيج

نضيف القهوه المذابه ونحرك ونضيف القشطه ونحرك سيتكون لنا مزيج غامق اللون سائل نوعا ما

نحرك حتى يغلي الخليط ... ونطفئ النار ونتركه ليبرد

(افضل عمل التوفي اثناء وجود الكيكه في الفرن ... حتى يبرد الاثنان معا )

بعد ما تبرد الكيكه نقلبها في طبق التقديم
ونصب عليها التوفي
ونزينها حسب الرغبه

انا زينتها بسنكرس قطعته شرائح عريضه وشوكولاته اولكر الاحمر
ورشيت عليه من التوفي الجاهز السائل بشكل خطوط
وتوضع بالثلاجه لتبرد قليلا

وهذا شكله النهائي

وهذي قطعه منها

طبعا الموضوع منقول .. وماشاء الله اللي مسوية الكيكة باين عليها فنانة

الله يعطيها العافية

جربوها مبين من شكلها إنها حلوة وايد

وانا متأكدة أول وحدة بتجرب تسويها لسعوووو لأن موتها الكيك الأسود لوووووووول

ابغي اجرب اسويها

بس ابغي اعرف حلوة او لا اذا مو حلوة مابغيها

بحافظ على سمعتي في الطبخ( ما يبقى شي لين طبخت بس طول عمري طبخت يمكن 7 مرات بس ) Laughing

ياااااااااااااي ابي قطعة شكلها ذباااحي ..

يلا سويها لنا في العيد ووزعيها ..

وان شاء الله تدق واسويها .. يسلموو خيوو

يسلمووو بنات على الرد .. انا اقولكم طعمها لذييييييييييييذ

بس إذا انتوا ما تعرفون تطبخون جذي مشكلة

كسرتوا خاطري بسويلكم خلاص بس لا تصيحون هههههههههههه

ههههههههههههههههههههههههههه

ذكرتيني بكيكتي الفقعة

يوم من الايام في المستقبل البعيد بسويها

اليوم سويت الكيكة وكانت من افشل الاشياء اللي سويتها طول عمري