قلب طاح قدام عينك

يارقيق المشاعر ويـن راح الحنـان
ليش ماشلت قلبٍ طاح قـدام عينـك؟!

الزمن هو زمانـك والمكـان المكـان
وآخر الشعر كلمه تسألك عنك وينك ؟!

من تقهويت صوتك سولف الزعفران
عاد وشلون فنجـالٍ تمـدّه يمينـك؟!

تذكر شلون كنا والغـلا كيـف كـان
يوم لاغبت عنّك ماأسمع الا ونينك!!!!

أشعر بخوف مدري كنت أحس بأمـان
يكفي إن جيت يمك طار فيني حنينك!!

إشكثر كنت وافي واقرب الناس خـان
بس اثق فيك حتى لو عيوني تدينك!!!

راحت سنين من عمري وعمرك ثمان
يوم شحت سنيني عوضتني سنينـك!!

زان عمري بقربك يعني الوقـت زان
حتى جرد القصايد ربّعت في يدينـك!!

طول عمري وانا لاوي ذراع الهـوان
شفت يومك بعيني منهو يقدر يهنيك؟!

ماأذكر إني نسيتك وأذكرك من زمـان
وأذكر إني ضحية بين قلبي وبينـك!!

تدري وش جابني لك لا تقول الحنـان
جيت أبشيل قلبٍ طاح قـدام عينـك!!


عجبني ونقلته