خذ قلبـــــــــــــي

قصيدهـــ نالت على اعجابي واتمنى ان ترتقي لذائقتكمـــ ...

خذ قلبـي لجروحـك ولا يجـي قلبـك جـروح
يسلـم قلبـك اللـي بكـل مـا فينـي فديـتـه
وشلون ما شيل همومـك وانـت للـروح روح
لـو ينشـرى فرحـك بعمـري لجلـك شريـتـه
لو ينشغـل بالـك احـس كـل مافينـي ينـوح
تصغـر الدنيـا بعيونـي وكـل فرحـي نسيـتـه
اشكـي مـا بـك خــل قلـبـك لقلـبـي يـبـوح
ذبحنـي سـطـر مــن الالــم بعيـونـك قريـتـه
عطنـي احزانـك ببنـي لهـا بـصـدري صــروح
خلها من اسى الماضي اللي بحبي طويته
اضحك حبيبـي بسمتـك لـي غايـه وطمـوح
كن نور هالدنيـا مـن صـدى ضحكـك خذيتـه
تبـسـم لـلامـل خــل عـطـره بـجـوك يـفــوح
تـرى بعيونـي غـرامـك امــل عـمـري بديـتـه
انـت بناظـري قمـه ويبـقـى غـيـرك سـفـوح
لا عدمت نظـر عينـي دامـك بطيفـك ضويتـه
خذ قلبي خذ كل ما فيني ولا تجيك جـروح
انـا ادري كثـر مـا عطيتـك حقـك مــا وفيـتـه

مشاعر جميلة هي تلك التي بتثها هذه القصيدة .. فحكت عن نبل روح وسمو نفس تشتهي الهم لتخلص من تحب من همه

سلمت عزيزتي

شكرا على القصيدة الحلوة

الصراحة وايد أثرت فيني Sad

بس في هالزمن صعب إن غيرج يشيل عنج همّج

لكن تظل الناس الطيبة والأصلية مثل ما اهي وتبدي الغير على نفسها

pale

لا تحرمينا من القصايد الحلوة